Hmoob Tsiab Peb Caug yog ib lub caij rau cov hmoob uas nyob hauv Oroville tuaj nyob ua ke thiab ua si. Lub sij hawm uas tsua muaj ib zaug ib xyoo xwb, pib hauv lub kaum hlis vam tib 12 lom 13. Lub tsiab peb caug no nyob pem qhov chaw ua si uas nyob tom qab lub tsev kawm ntawv Nelson Avenue. Thaum peb muaj lub tsiab peb caug no, neeg tuaj hu nkauj thiab ua yeeb yam. Cov tub ntxais hluas uas nyob hauv Oroville tuav ua yeeb yam saum sam thiaj. Pem tsiab peb caug, tsis yog muaj hu nkauj thiab ua yeeb yam xwb, tab sis tseem muaj neeg tuaj muag khoom xws li mov, yeeb yaj duab, khaub ntshaws, khoom ua si, thiab ntau ntau yam ntxiv. Tsiab peb caug lom zem heev vim koj tsis paub tias leej twg yuav tuaj los sis yuav muaj khoom yuav dab tsi. Thiab vim neeg tuaj txhua qhov tuaj, tej zaum koj ho nrhiav tau ib tug neeg koj nyiam. Pib nkag yog xya mus rau kaum duas las rau ib lub tsheb, tab sis yog thaug kev tuaj peb caug, koj nkag dawb xwb. Tsiab peb caug yog ib qhov kev ua si uas ua ib hnub nkaus thiab nws yog ob hnub.

Tom qab qhov kev ua si ruab hnnub pem tsiab peb caug, lawv muaj ib qhov kev lom ze uas nyob pem lub tsev municipal. Pem qhov kev lom zem no, muaj neeg hu nkauj thiab ua yeeb yam ntxiv, tab sis zaum no muaj neeg los ua las voos thiab. Qhov kev lom zem no pib thaum xya moo mus txog kaum los kaum ib moo tsaus ntuj. Ib yam li peb tsiab peb caug, koj yuav tsum them nyiaj thiaj tau nkag mus hauv lawv qhov kev lom zem no. Pib nkag yog li kaum duas las.