Loafer Creek yog ib qhov chaw uas zoo mus saib heev. Pem Loafer Creek lawv muaj ntau ntau yam mus ua. Lawv muaj chaw mus ci qaij noj thiab lawv muaj chaw zaum. Lawv muaj chaw loj loj heev, yog li ntawv yeej tsis muaj ib zaug uas lawv tsis muaj chaw rau tib neeg nyob li. Tsis yog muaj lub ci qaij xwb, tseem muaj ib lub pas dej rau txhua tus da dej. Cov dej zoo da heev thiab txias heev. Lub caij uas zoo mus pem Loafer Creek yog thaum ntuj sov. Lub pas dej no zoo nuv ntses thiab. Muaj ib qhov chaw uas tob heev uas zoo rau nuv ntses heev. Ntawm ntug dej yog ib qhov chaw zoo nuv ntses. Lub pas dej zoo rau txhua lub nkoj thiab txhua hom tsheb caij saum nplaim dej mus thiab los. Nws yog ib qhov chaw uas zoo rau lub nkoj uas muaj ib daim ntaub rau cua thawb. Yog koj tsis nyiam mus da dej cev koj ua si ntawm ntug dej xwb. Nws yog ib qhov chaw zoo ntaus npas npov lis npom thiab nws zoo rau koj mus pw saib lub hnub.

Loafer Creek tsis yog muaj lub pas dej xwb. Nws yog ib qhov chaw zoo mus pw ua si. hov chaw pw ua si no nyob ze ze lub pas dej thiab, yog li natwm koj mus pw ua si thiab da dej tib si los tau. Loafer Creeks muaj tej me nyuam kev taug ncig ua si. Loafer Creek tsis yog mus dawb. Tus nqi yog ob duas las rau ib hnub. Tus nqi mus pw ua si yog plaub caug tsib duas las cev koj yuav mus nyob ntev li cas los tau. Cov nqi no muab mus pab tu qhov chaw ua si natwm xwb. Loafer Creek yog ib qhov chaw zoo mus ua si vim txhua zaus yeej muaj tej yam ua.